بارش: خوشی یا خوف؟

-

 بارش: خوشی یا خوف؟



بچپن کی بارش خوشبو، سکون اور مسرت کی علامت تھی۔ صحنوں میں قہقہے گونجتے، چائے کے ساتھ  پکوڑوں کا انتظام ہوتا ،  بچے بھیگنے کی ضد کرتے اور مٹی کی خوشبو دل کو راحت دیتی۔ اُس وقت کی  بارش دعا کی قبولیت  اور  خوشی کا احساس دلاتی  تھی۔

مگر وقت کے ساتھ سب کچھ بدل گیا۔ وہی بادل جو خوشی کی نوید تھے، اب انجانی گھبراہٹ لاتے ہیں۔ وہی بوندیں جو زندگی سنوارتی تھیں، آج گھروں کی بنیادیں ہلانے لگتی ہیں۔ پہلے بارش کے برسنے کی دعائیں کی جاتی تھیں، اب اس کے تھمنے کی دعائیں کی جاتی ہیں۔


حالیہ موسلا دھار بارشوں نے ایک بار پھر نظام کی حقیقت آشکار کر دی۔ بڑے بڑے گھروں کے آنگن جھیلوں میں بدل گئے، گلیاں ندیوں کا منظر پیش کرنے لگیں۔ قیمتی کتابیں، فرنیچر اور برقی سامان پانی میں بہہ گیا۔ کاروبار اور مزدور طبقے کو شدید نقصان اٹھانا پڑا۔ ترقی کے نعروں کی حقیقت چند گھنٹوں کی بارش نے عیاں کر دی.

بارش اب بھی رحمت ہے، مگر ناقص منصوبہ بندی اور کمزور ڈھانچے نے اسے خوف میں بدل دیا ہے۔ اگر ہم نے اپنے شہروں اور ماحول کو نہ سنبھالا تو آنے والی نسلیں بارش کو خوشی نہیں، صرف خوف کے نام سے یاد کریں گی۔

ہمیں سوچنا ہوگا کہ بارش کو خوف کے بجائے خوشی کا ذریعہ کیسے بنایا جا سکتا ہے۔ یہ صرف ممکن ہے جب ہم اپنے شہروں کے نظام کو بہتر بنائیں اور ماحولیاتی ذمہ داریوں کو سنجیدگی سے لیں۔

بارش اللہ کی رحمت ہے، اسے رحمت ہی رہنے دیں۔ اگر ہم نے ابھی قدم نہ اٹھایا تو آنے والی نسلیں بارش میں خوشی نہیں ڈھونڈیں گی بلکہ صرف نقصان اور خوف کو یاد رکھیں گی۔

"آپ کی زندگی میں بارش خوشی لائی ہے یا صرف پریشانی؟

نیچے کمنٹ میں اپنے تجربے ضرور شیئر کریں!"

تحریر:ندا ہاشمی 

Comments

Post a Comment

Popular posts from this blog

سوشل میڈیا کا جادو

-
Image
 سوشل میڈیا کا جادو آج کل کے دور میں، چاہے فیس بُک ہو ،انسٹاگرام یا یو ٹیوب جہاں بھی نظر دوڑاؤ، کھانے پکانے کی ویڈیوز کی بھرمار ہے۔ میں نے غور کیا کہ اگر کسی ایک ویڈیو پر غلطی سےکلک کر دو تو سیکڑوں شیف سامنے آ جاتے ہیں۔ پھر دل میں خیال آتا ہے کہ ہمیں تو کھانا پکانا آتا ہی نہیں۔ شرمندگی کے مارے سوچتے ہیں، چلو ایک کوشش تو کرتے ہیں۔ دس منٹ کی ویڈیو دیکھی، دس منٹ اپنی زندگی کے  ویڈیو کے نام کر دیے، اور پھر ارادہ کیا کہ آج وہی نیا کھانا بنائیں گے جو ویڈیو میں دیکھا تھا۔  لیکن جب پکانے کھڑے ہوئے تو پتا چلا کہ جو بننا تھا وہ تو بنا ہی نہیں! کچھ ایسا تیار ہوا کہ ہماری بلی نے بھی سونگھ کر منہ موڑ لیا۔ نتیجہ یہ نکلا کہ دس منٹ ویڈیو دیکھنے، پانچ سو روپے کے سامان خریدنے اور ایک گھنٹہ پکانے کے بعد سب کچھ ضائع ہو گیا۔ ہم نے سوچا کہ ہمیں جتنا اور جیسا پکانا آتا ہے وہ ہی کافی ہے  مگر انسان آخر انسان ہے! توبہ تو کر لی، مگر کب تک؟ اگلی بار پھر  نظر پڑی میک اپ کرنے والی لڑکیوں پر۔ حیرت تو اس وقت ہوئی جب دیکھا کہ چند منٹوں میں وہ دودھ جیسی گوری اور چاند جیسی حسین بن گئیں۔ ہم نے سو...
Read more

کچھ نہ کہہ سکا

-
Image
 عنوان: کچھ نہ کہہ سکّا وہ کتنی چلبلی تھی… چہرے پر شرارت، آنکھوں میں شوخی، اور بات کرتے وقت ایسا لگتا تھا جیسے ہر جملہ کسی رنگین تتلی کی طرح اس کے ہونٹوں سے اڑ کر فضا میں بکھر رہا ہو۔ جینز پہنتی، اس پر رنگ برنگی کرتی، لمبی ہِیل والی سینڈلز، اور چہرہ… ہمیشہ مسکراہٹ سے بھرا ہوا۔ میں آج بھی وہ دن نہیں بھولا جب یونیورسٹی کا آخری سمسٹر چل رہا تھا، ماسٹرز کی تکمیل قریب تھی، اور مجھے ’’بیسٹ اسٹوڈنٹ‘‘ کا ایوارڈ ملا تھا۔  اسٹیج سے نیچے اترا تو سب سے پہلے وہ ہی آئی تھی سائرہ۔ اس کی خوشی مجھ سے کہیں زیادہ تھی۔ اس نے مسکرا کر کہا تھا، “ناصر، بہت بہت مبارک ہو!” اور بے تکلفی سے میرا ہاتھ تھام لیا تھا۔ اس کے نزدیک یہ عام سی بات تھی، وہ ایسی ہی تھی۔ لڑکا ہو یا لڑکی، سب کے ساتھ وہ ایسے ہی پیش آتی ہم پانچ دوستوں کا گروپ تھا تین لڑکے، دو لڑکیاں مگر سائرہ کی بات ہی الگ تھی۔ میں پڑھائی میں ڈوبا رہنے والا لڑکا تھا۔ کتابیں، نوٹس، لائبریری… بس یہی میرا جہان تھا  مگر وہ جیسے ہی آکر بیٹھتی، میں کتاب بند کر دیتا، چاہے امتحان سر پر ہی کیوں نہ ہوں۔ اس کی باتوں میں ایک عجیب سی زندگی تھی۔ وہ بولتی رہتی...
Read more

مکان کا حصہ

-
Image
مکان کا حصہ  "آپی بس ہمارا حق دے دیں تاکہ ہم الگ گھر خرید سکیں، آپ بھی خوش رہیں اور ہم بھی…" یہ جملےمیرےکانوں  میں  مسلسل گونج رہے تھے، جیسے کوئی ان دیکھی گونج دل کی دیواروں سے بار بار ٹکرا رہی ہو۔ یہ آواز میرے  چھوٹے بھائی عمر  کی تھی وہی بھائی جو مجھ سے صرف تین سال چھوٹا تھا ۔ ہم چار بہن بھائی ہیں ۔ کبھی ہمارا گھر ہنسی، خوشی ،شور،اماں اور ابّا کی آوازوں سے گونجتا رہتا   تھا۔ مگر ایک دن  کے حادثے  نےسب کچھ بدل دیا۔ ماں باپ اچانک ہمیں چھوڑ گئے، اور اس وادئ دنیا میں ہم بس چار کم عمر بہن بھائی رہ گئے۔ اُس وقت میں صرف سترہ سال کی تھی، میٹرک کے بعد کچھ بننے کا خواب ابھی آنکھوں میں ہی تھا کہ زندگی نے کان پکڑ کر حقیقت کے بیچوں بیچ لا کھڑا کیا۔ گھر چلانے کے مسئلے نے سب سے پہلے دروازہ کھٹکھٹایا  ابا کی پنشن ناکافی تھی۔ تو پھر میں نے وہ سب کیا جو ایک سترہ سال کی لڑکی کر سکتی تھی ٹیوشنز، اسکول میں پڑھانا، بچوں کو قرآن پڑھانا، سلائی کون سا کام تھا جو میں نے نہیں کیا؟ چھوٹے بہن بھائیوں کی ذمہ داری میرے کندھوں پر تھی۔ کچھ ساتھ عمر  نے بھی دیا، لیکن...
Read more